د افغانستان کمونیست (مائویست) ګوند بیانیه:
«په افغانستان کی د امریکی دنوي استراتیژی»
په باره کی
بلاخره وروسته له میاشتو غاړه غړولو څخه د ټرامپ تر مشری لاندی د امریکا دولت «په افغانستان کی د امریکی نوی استراتژی» اعلان کړه.
دذکرشوي «... استراتیژی» ډیری اړخونو تفصیلی جزیات تر اوسه پټ پاتی دي. دهغه کوم مهم اړخونه چه تر اوسه ښکاره شوی دي او په رسنیو کی مطرح سوی دي په لاندی ډول دي:
1- له افغانستان نه دځواکونو دوتلو محال ویش لغو کول.
2- د امریکایی ښکیلاکګر ځواکونو ډیروالی په افغانستان کی، داوس لپا ره د درو زرو کسانو په شاوخا کی.
3- دامریکی دهوایی ځواکونو لخوا په افغانستان کی دهوایی عملایاتو زیاتوالی.
4- د لاسپوڅی رژیم د پوځ لاډیرسمبالول او روزنه.
5- په افغانستان کی د «ملت جوړونی» په چاروکی «مداخله نکول» او د«ترخګر» لاډیر وژلوباندي تمرکز.
6- د طالبانو بیا واک ته درسیدو مخنیوی او طالبانو ته د قانونی موقعیت ورکولو هڅه.
7- هند ته لاډیر نېږدی کیدل او پر پاکستان باندی ډول ډول فشارونو زیاتوالی.
8- اروپایی، جاپانی او استرالیایی امپریالیستانو او هند سره ګډ دامپریالیستی- ارتجاعی صفبندی ډیروالی د چین او روسیه په ضد.
دا موضوعګانی په لنډ ډول څیړو:
له افغانستان نه دځواکونو دوتلو محال ویش لغو:
پرافعانستان باندي دامریکایی امپریالیستانو او دهغوی دمتحدینو دیرغل له پیله، دهغوی له لوری دهیواد ښکیلاک او په افغانستان کی دلاس پوڅی رژیم جوړول دامریکا دجورج بوش دجمهوری ریاست ترپایه پوری، دامپریالیستی ښکیلاکګر ځواکونوشتون په افغانستان کی او په ځانګړی ډول امریکایی ښکیلاکګر ځواک په هیواد کی، ورو وروډیر سول. دښکیلاکګر ځواکونو ډیروالی سربیره دهغوی په ضد جګړیز مقاومت روځ تربله دډیروالی اوخپوریدو په حالت کی وه.
په امریکا کی د اوباما دجمهوری ریاست له پیله، او دهعه دټاکنیزو وعدو پیښي کولوپراساس چه په افعانستان کی دجګړی په بری سره پای ته رسول او دامریکایی ځواکونو ایستل وه، سپینی ماڼی د«افغانستان نه دوتلو استراتژی» یی مطرح کړه.
اما هغه «استراتیژی» په واقعیت کی یو ستر درواغ وو ترڅو دامپریالیستی ښکیلاکګر ځواکونودډیروالی او په ځانکړی ډول دامریکایی ښکیلاکګر ځواکونو زیاتوالی په هیواد کی دسل زره کسانوترسرحد پوری په کال 2009 کی وو چه ټول ټال دامریکا ښکیلاکګر متحدینو سره یوځای په «ناټو» کی اودناتو نه بهر یوسل و پنځوس زره کسانو پوری رسیده.
«دافغانستان نه دوتلو استراتیژی»په ظاهره کی ددي نظامی فرضیي پربنسټ چی دامپریالیستی ښکیلاکګر یوسل و پنځوس زره کسیز ځواکونه توانیدلی شی چی ددرو کلونو په موده کی یعنی تر 2012 کال پوری د ښکیلاکګر او لاس پوڅی رژیم پر ضد جګړیزمقاومت کاملا وځپی او تر دی حده هغوی کمزوری کړی تر څو دامریکایی ښکیلاکګر او دهغه دمتحدینو ځواکونو ته له افغانستان نه دوتلو زمینه برابره شي. ددی استراتژی په اساس داسی پتیلی وه چه د امریکا امپریالیستی ښکیلاکګر ځواکونه دکال2012 تر پایه له افغانستان څخه ورو ورو وتل پیل کړی او د کال 2014 تر ختمه ددی ځواکونو ډیری برخی له افغانستان ووځی. او پاتی ځواکونه هم باید تر دوه نورو کلونو پوری یعنی د 2016 کال تر پایه له افغانستان نه وتلي وای او ددی کال په پای کی به یوازی 1000 کسان امریکایی ځواکونه په افغانستان کی دامریکا دسفارت امنیتی ځواک په نامه پاتی کیږی.
ددی محال ویش په اساس او ددي دروغجن ادعا دطرح سره جوت چه دامریکا جګړه له هیواد نه بهر تر ټولو اوږده جګړه دپای ته رسیدو په حال کی ده د امریکایی امپریالیستانو ښکیلاکګر ځواکونو ډیره لویه برخه د 2014 کال ترپایه له افغانستان نه وتلي دی. ولی مسلمه او روښانه واقعیت داوه چه دامریکایی امپریالیستی جګړه په افغانستان کی پای ته نه وه رسیدلی. امریکایی امپریالیستانو دا تلاښ کاوه چه دلاس پوڅی رژیم سره امنیتی قرارداد نهایی کړی او په افغانستان کی اوږدمحاله استراتیژیک پوځی اډی رسما په لاس راوړی او دخپل ځواکونو اوږدمحالی شتون په افغانستان کی ګویا قانوی کړی.
ولی په بیلابیلو دلایلوسره٬ چه اړتیا نه لیدل کیږی دلته په تفصیل سره خبری پری وکړو، دا هیله پوره نشوه او دلاسپوڅی رژیم جمهور رئیس دهغه دلاسلیک سره موافقه ونکړه. پدی دلیل او هم دجګړی زیاتیدل په افغانستان کی، د امریکایی پاتی سوی ځواکونو دوتلو محال ویش په دقیق ډول اجرا نسو. سربیره پردی د بارک اوباما د جمهوری ریاست ورستی ورځی په امریکا کی، د ډیرشمیر جمهوری غوښتونکو سناتورانو او دامریکا د پوځ جنرالانو مخالفت د ځواکونو دوتلو محال ویش ټاکلو سره روښانه او څرګند وو او دهمدی دلیل پربنسټ د«پاتی شوی» امریکایی ځواکونووتل له افغانستان نه په هغه وخت کی د تعلیق حالت کی سو.
وروسته له هغه څخه چه د دریم شاه شجاع (حامد کرزی) واکمنی پای ته ورسید او لاس پوڅی رژیم د «ملی یوالی» حکومت په بڼه دواک په ګدی کیناسته، رژیم دارګ او سپیدارماڼی ته دلار موندنی په لمړیو کی«امنیتی تړون» له امریکایی امپریالیستی ښکیلاکګرو سره لاسلیک کړ. ددی «امنیتی تړون» ورته والی له پخوانی تړونونوسره٬ دلاس پوڅی امیرانو په کابل کی او انګلیسی استعمار تر منځ٬ دومره روښانه او واضح دی لکه چه له یاد شووتړونونوڅخه نقل اخستل شوی وي.
دامریکایی امپریالیستی ښکیلاکګر او لاس پوڅی رژیم تر منځ ددي«امنیتی تړون» لاس لیک په ښکاره ډول دا وښوده چه داوباما «دوتلو استراتیژی» له افغانستان نه فقط یوتش عبارت وو او د هغه څه په لټه کی چه امریکایی امپریالیستان وه او دي، هغه پوره وتل نه بلکه اوږدمحالی شتون په افغانستان کی وه او دی. په حقیقت کی امریکایی امپریالیست ښکیلاکګر سیمه ییز او نړیوال اوږدمحالی ستراتیژی په حساب افغانستان ته راغلی دي نه د لنډ محاله او ژرتیردونکی تاکتیکونو پربنسټ باندي. لدی پلوه مونږ دامپریالیستی یرغل او ښکیلاک له پیله تر اوسه پرله پسی ویلی دی چه امریکایی ښکیلاکګر له افغانستان نه تلونکی ندي او مونږ باید د هراړخیزه مبارزه او مقاومت دپرمخ بیولو پر محور ملی ولسی او انقلابی مقاومت جګړی ته دامپریالیستی ښکلیلاکګراوددوی لاس پوڅی ملی خاینینو په ضد تیاری ولرو.
لدی کبله دافغانستان څخه دامریکایی ځواکونو وتلو محال ویش لغو، چه ګویا دا په افغانستان کی دامریکا دنوي ستراتیژی ډیره مهمه برخه جوړوی، یوتش څرګندونه ده. په واقعیت کی داسی محال ویش تر اوسه شتون نه درلود. د ځواکونو دویستلو محال ویش لفظی لغوه یوازی کیدای سی دا دامریکایی امپریالیستانواوږد محالی ستراتیژی قصد او نقشی ښکاره اعتراف په افغانستان کی د ښکیلاکګر ځواکونو اوږدمحالی شتون لپاره وی. هغه څه چه پدی منځ کی تازه توب لری هغه دادی چه اوس دوی په ښکاره وایی چه ګیدای سی پوځ یی لکه دجاپان او سویلی کوریا په شان په لسګونه کاله په افغانستان کی هم پاتی سی.
په افغانستان کی د امریکایی ښکیلاکګر ځواکونوډیروالی
« په افغانستان کی د امریکا نوی استراتیژی » نه يوازی د افغانستان څخه د امریکایی ښکیلاکګر ځواکونود ویستلو محالویش لغو ده، بلکه د یاد ځواکونو زیاتوالی په هیواد کی هم شامل دی. اوس محال دری زره کسیز ځواک زیاتوالی په نظر کی نیولی شوی دی. ولی په راتلونکي کی د ځواکونودلا ډیروالی لپاره لاره خلاصه ده چه د اړتیاپه صورت کی به عملی کیږی. نو ځکه « د امریکا نوی ستراتیژی په افغانستان کی» په حقیقت کی د امریکایی ښکیلاکګرځواکونودډیروالی ستراتیژی په افغانستان کی ده . پدی ستراتیژی کی د ځواکونود ډیریدوحدود او ثغورمعین اوځانګړي شوی ندی اوهیڅ محدودیت ورته په نظر کی ندی نیول سوی.
ولی واقعیت دادی چه د امریکایی امپریالیستانود ځواکونو د زیاتیدو امکان په افغانستان کی له عینی لحاظه له سخت اقتصادی، نظامی او سیاسی محدودیت سره لاس او ګریوان دی. څه وخت چه د « وتلو ستراتیژی له افغانستان نه » په چوکاټ کی د اوباما د ریاست جمهوری په زمانه کی، د امریکایی ښکیلاکګر ځواکونوټول شمیر سل زره کسانو ته ورسیده، د امریکا د یرغل کلنی افتصادی لګښت سل ملیارده ډالرو ته ورسیده، یعنی دهر امریکایی پوځی لپاره یومیلیون ډالر په یو کال کی، لدی کبله که مونږ د همغه پخوانی نرخ به اساس محاسبه وکړو د یوه امریکایی پوځی ډیریدل داوسنی امریکایی ځواکونوپه شمیرکی پدی معنی ده چه دامریکا پوځی لګښت په افغانستان کی یو میلون ډالر زیاتوالی مومی.
مثلا: وافغانستان ته دری زره تازه دمه امریکایی ځواکونه لیږل ٫ د اقتصادی پلوه امریکا ته په یو کال کی دری میلیارده ډالره اضافی نظامی لګښت په مانا ده چه دا شمیره لږ کم تر ټول هغه لګښت چه د امریکا دولت یی د لاسپوڅی رژیم دڅو سووزرو نطامی پوشالی ځواکونو دکلنی لګښتونو د تامین لپاره افغانستان ته ورکوی.په دی ډول د یوه امریکایی نظامی اقتصادی لګښت په افغانستان کی دپوشالی لاسپوڅی رژیم دسلونظامی ځواکونود اقتصادي لګښت سره برابره ده .ددی محاسبی له مخی د امریکا د دولت ټوله کلنی نظامی بودجه اوه سوه ملیارده ډالره سر سام اوره څپره ده فقط دامریکا نه بهرد یوه اوه سوه زره کسیز یرغلګریز اوښکیلاکګریز لښکرکښی دلګښت د تامین لپاره دافغانستان د شرایطو سره مشابه شرایطو کی بسیا کوی نه دی نه ډیر.
دهغو محاسباتوسره سم چه د ۲۰۱۴ کال په ورستیو کی په خپله دامریکایی سرچینوله خوا سرته رسید لی دي٬ دامریکی ټول نظامی لګښت په عراق ا وافغانستان کی دو زره میلیارده ډالره زیاته(دوه تریلیون ډالره)اټکل شوی ده . په واقعیت کی یو له نسبتآ مهمو عواملو لامل وګرځید چه ځوکاله مخکی اقتصادي کړکیچ د امریکا لمنه نیولی اوورسته له هغی ټول لوی او واړه غربی امپریالستی هیوادونه او په یوه معنی ټوله نړی ته سرایت وکړی . دامریکی همدغه غټ نظامی لګښت په یرغلګریز او ښکیلاکګریز لښکرکښی پر افغانستان او عراق باندی وو .
دا ښیی چه حتی، امپریالستی زبرځواک لکه دامریکی متحده ایالات دا توان نلری چه په افغانستان کی دښکیلاکګرو ځواکنود پراخه ډیروالی لګښت په غاړه واخلی ـ حتی ویلی شوچه دامریکا په او سنی اقتصادی وضعیت کی٫ دامریکا دولت دا توان نلری چه دیو بل یرغلګریز اوښکیلاکګریز لښکرکښی لګښت دعراق دجګړی په ځیر په غاړه واخلي یا دبیلګی په ډول د ښکیلاکګر ځواکونوشمیر په افغانستان کی سل زره کسانو ته لوړ بوزی . دغه محدودیت یواځی پخپله د امریکی په اقتصادی وضعیت پوری اړه نلری بلکه په افغانستان کی د امریکی متحد ینو پوری هم اړه لری . د امریکی یوشمیر متحدین په افغانستان کی د جګړی دډګر څخه پښی سپکی کړی دی او ګمان نه کیږی چه حد اقل د لنډی مودی لپاره بیا ودي ډګر ته را دننه شی ـ
په افغانستان کی د امریکایی ښکیلاکګرونظا می ځواکونو پراخه ډیروالی دکسانو دشمیر په لحاظ نا ممکنه یا تر یوه بریده ډیر سخت دی ٬همدا اوس دامریکا متحده ایالات دنړی تر پنځوسو زیاد و هیوادونو او یوسل اوپنځوس نه زیات نظامی استراتیژیکی اډوکی دامریکی نه بهریرغلګریز او ښکیلاکګریز شتون لری.په یوه نحوه د امریکی د عسکرو ډیره برخه دهغه هیواد نه بهرکی او لږه برخه یی په هیواد کی دننه ځای پرځای دي په حقیقت کی د امریکا امپریالستی ځواکونه په نړی کی په پراخه کچه دومره تیت دي چه د پخوانی امپراتوریواوسنی نظامی تاریخ کی بی ساری یا حد اقل کم ساری دی . دامریکا او نړی وضعیت په داسی ډول دی چه دامریکا ارتش نشی کولای په نړی کی دخپلو استراتیژیک نظامی اډو څخه تیرشی٬ بلکه فقط کولای شی پخپلو یاد شوو اډوکی د خپلو ځواکونو ټاکلی برخی لږ اوډیر په نورو ځایونوکی ځای پرځای کړی چه معمولا نشی کولای بسیا کونکی وی او سربیره پر هغه نشی کولای خالی دخطری ا وسی .
د بیلګی په ډول پرعراق باندي د امریکا یرغلګریز اوښکیلاکګریزلښکرکښی، او همدارنګه دامریکی د سل زره کسیز شکیلاکګرځواکونوشکیلاکګر شتون په افغانستان کی، دامریکا امپریالیستان دی ته اړشول چه په امریکا کی دننه د نظامی اډوڅخه دځواکونو"کسان ګمارلو" سربیره دامریکا نه بهر دامریکایی لښکرو د احتیاطی ځواکونو یوه برخه هم راولی.
په دواړو مواردو کی هم د امریکا په دننه او هم د دي هیواد په بهر کی د امریکا د ځواکونو په اډو کی قسمی پوځی خلاګانی رامنځ ته شول.
اوس محال، له سیاسی پلوه دامریکا دنظامی ځواکونوپه پراخه کچه زیاتوالی په افغانستان کی دسخت محدودیت سره مخ دی په امریکا کی دټرمپ ترمشری لاندي د امریکا ددولت پر وړاندی پراخ سیاسی مخالفتونه یو له دی محدودیتونو څخه دي.
په واقعیت کی دامریکا ددولت همدغه سخت سیاسی محدودیت ؤوچی د"امریکا نوی استراتیژی " په هکله پریکړه او دهغه په هکله وروستنی پریګړه څومیاشتی وځنډیدی او هغه محال چی دپریکړی په هکله وروستنی پریګړه وشوه او اعلان شو، یواځی د یو دری زره کسیز زیاتوالی ومنل شو نه ترهغه ډیر.سربیره پرهغه همدا دلیل ؤو چی ددی دری زره کسیز زیاتوالی ندی عملی شوی.
په ځانګړی توګه په افغانستان کی دامریکا د نظامی ځواکونو پراخ زیاتوالی دامریکایی ځواکونو د تلفاتو پراخ ډیروالی او هم دامریکایانو دنظامی لګښت پراخ ډیروالی لامل ګرځی او دواړه موارد کولای شي د ټرمپ تر مشری لاندی دولت پروړاندي د ټینګ سیاسی مخالفت لامل شی. دټرمپ ترمشری لاندی په امریکا کی د امریکا دولت په واقعیت کی دځان پروړاندي د پراخ سیاسی مخالفت شتون له پلوه، دسیاسي اړخونو دډیر محدودیت سره مخ دي او نشی کولای دخپلو برنامو د علمی کیدو لپاره پراخ ګامونه واخلی، لیکن په هرمورد کی په احتیاط سره عمل کوی ترڅو دلاډیرژور او پراخ مخالفت لامل نشي. په افغانستان کی د امریکایی ښکیلاکګرځواکونو په ډیروالی کی دامریکا ددولت سخت سیاسی محدودیت دامریکی په متحدینو پوری هم اړه لری. په امریکا کی دټرمپ ددولت رامنځ ته کیدل په امریکا کی، که له یوه خوا داروپایي اتحادیی څخه د بریتانیی د وتلو سره همزمانه وو، له بلی خوا امریکي څخه د فرانسی دلری والی لامل او همدا راز د جرمنی دپام وړ لری والی د امریکی څخه، په بل عبارت سره د امریکی د امپریالیزم تضاد د فرانسی د امپریالیزم او دجرمنی دامپریالیزم سره چی په اروپایی اتحادیی کی دوه اصلی امپریالیستی او هیژومونیست ځواکمن هیوادونه دي، ډیر سوی دی او په دی اعتبار سره دامریکایی امپریالیستانو او په اروپایی اتحادیی کی شامل امپریالیستانو ترمنځ تضاد ډیرشوی دي، لد ې سره ،دامریکایی امپریلیستانو سیاست دافغانستان دجګړی په هکله تل دغه وو او اوهمدا به اوسی چی په ناټو کی خپل متحدامپریالیستی قدرتونه دی جګړه کی راښکیل کړی او"مسولیتونه" وسپاری. نوځکه له یوه اړخه دی ته اړ دي چی په خپل سر اوله خپلو متحدینو سره له مشوری پرته په افغانستان کی دځواکونو د زیاتوالی په هکله پریکړه وکړي،ځکه چی په افغانستان کی دامریکا دځواکونو ډیروالی،په افغانستان کی دامریکادمتحدینودځواکونود ډیروالی کچه هم ښيي او لازم ده چی امریکایان دنوموړی قدرتونو سیاسی محدودیتونه په پام کی ولری. درسمی احسایی پر بنسټ اوس محال په افغانستان کی ټول ټال پینځلس زره امریکایی ځواکونه او د ناټوغړی نورښکیلاکګرځواکونه شتون لری چی یولس زره یی په امریکا او څلور رزه د "ناټو" د غړو نور هیوادو پوری اړه لري. دا احتمال شته چی په افغانستان کی دامریکا د دری زره کسیز دځواکونو ډیروالی،د "ناټو" دغړو هیوادونو د دوزره کسیز ځواکونو زیاتوالی هم په برکی ونیسی په دی ډول سره په هیواد کی د امپریالیستی ښکیلاکګرو ځواکونو ټول شمیربه شل زرو کسانو ته ورسیږي.
دامریکی ددولت دسخت سیاسی محدودیت بل اړخ په افغانستان کی دښکیلاکګر ځواکونو پراخ ډیروالی دی، دامریکی ددولت هڅه دامریکی دامپریالیزم دامپریالیستی خپل منځی تضادونو دلاډیروالی مخنیوي دروسیی د امپریالیزم او چین سوسیال امپریالیزم سره ده، چی په تیروڅو کلونو کی یو په بل پسی پراخ او ژورشوی دي او ډیر خطرناک اړخونه یی نیولی دي.
افغانستان یو له هغو یادشوو تضادونو دپراخوالی او ژوروالی ډګردی. څرګنده ده چی دامریکایی شکیلاکګرو ځواکونو دپراخ ډیروالی په سیمه اونړی کی ددوو سترو ځواکونو کلک غبرګون سره به مخامخ شي.
د امریکا د هوایی ځواکونوله خوا دهوایی عملیاتو ډیروالی په افغانستان کی
په افغانستان کی دامپریالیستی ښکیلاکګرو خواکونو هوایی برلاسی ، په ځانګړی ډول دامریکایی شکیلاکګرو ځواکونو هوایی برلاسی ډیر ښکاره او روښانه دۍ. ددوی د سمبال شوي، عصری، ځواکمن او روزنه لیدلی هوایی ځواکونو په وړاندی یو کمزوری هوایی ځواک او یا لږترلږه هوایی مدافع سیستم شتون نلری.
ویلای شوچی له دی پلوه حتا دلاسپوڅی رژیم هوایی ځواک چی د امریکایانو له خوا تازه په یو شمیر جنګی الوتکو سره چی ددویم نړیوال جګړی څخه پاته شوی دی سمبال شوی دي، په افغانستان کی بی سیاله دی.
د" دامریکا کی نوي استراتیژی په افغانستان " کی د هوایی عملیاتو دوه برابره ډیروالی منل شوی دی او له څه مودي را په دیخوا عملآ پیل شوی دی. دبیلګهی په ډول یوازی دتیرو نهه میاشتو هوایی عملیاتو په ترڅ کی د امریکا دهوایی ځواکونو له خوا په افغانستان کی ددوه زره په شاوخوا کی بمونه ِغورځول شوی دی په ښکاره ډول باید دا اقرار وکړوچی د هوایی عملیاتونو دوه برابره زیاتوالی سمدستی اغیزی یی درلودل او ددی لامل شو چی نور د څو ولایتونو مرکزونه لکه هلمند، اروزګان، کندز، پکتیکا، فراه، سرپل، فاریاب اوداسی نور د سږکال دجګړو په موسم لږترلږه ترسمدستی ګواښ لاندی ندي.
په واقعیت کی دامپریالیستی ښکیلاکګرو ځواکونو ددوه برابره هوایی عملیاتو موخه، په خانګړی توګه په افغانستان کی دامریکا دهوایی ځواکونو په لمړی ګام کی دپراخ نظامی راغونډیدلوڅخه ددوی او پوشالی رژیم پروړاندی چی دولایتونو مرکزونه دسمدستی ګواښ لاندی دراتلو لامل ګرځی او یا لویی لاری په پراخه کچه داوږدي مودي لپاره وتړل شي، مخنیوی وکړي.
په افغانستان کی د امریکایی ښکیلاکګرو هوايي ځواکونوله خوا عملیاتونو دوبراره ډیروالی دیادشوی ځواکونو د تلفاتوسبب نګرځی حال داچی د" وسلوالو مخالفینو" پراصلی څیرو باندی دامپریالیستی ښکیلاکګرو او لاسپوڅی رژیم دوه برابرو بریدونو امکان ډیرشي.
په هرحال نه د" وسلوالو مخالفینو" دپراخ نظامی راغونډیدوڅخه مخنیوی د امپریالیستی شکیلاکګر هوایی ځواکونود عملیاتو دو ه برابره ډیروالی له لاری نشی کولای چی ددوی دقطعی ماتی سبب وګرځی او نه هم ددوی داصلی نظامی څیرو تربرید لاندی راوستل. د " وسلوالو مخالفینو" قطعی ماتی دځمکنی ځواکونو څخه پراخه ګټه اخیستل او ددوی ترواک لاندی سیمو لاندی کول دي ځکه چی دښکیلاکګرو امپریالیستانو اولاسپوڅی رژیم دداسی برنامو پلی کول، لږترلږه اوس ، ممکنه نده. په افغنستان کی د امریکا ټوله " نوي استراتیژی " د یو جګړه ییزفشار استراتیژی په حکم دطالبانو مجبوره کول (اوسنی سترمخالف وسلوال ځواک) دامپریالیستی ښکیلاکګرو او پوشالی رژیم سره د جوړجاړی لپاره نه یو غوڅ ،اوپریکنده جګړییز استراتیژی.
دلاس پوڅی رژیم اردو او پولیسو لا ډیرسمبالول او روزنه
یو نړی خورامپریالیستی زبرځواک لکه د امریکا امپریالیستی زبرځواک چه په یوه معنی سره په ټوله نړی یی منګولی ښخی کړی دي او د نړی ټول غټ او واړه ځواکونو سره یاد دوستی او یا دد دښمنی له لاری سر او کار لری، « خدایی ځواک » نلری چه «په یوازی » ټوله نړی اداره کړی. داامپریالیستی نړی خوار زبرځواک نه يوازی امپریالیستی متحدینو ته بلکه لاس پوڅو او مرتجع مزدورانو ته هم اړتیا لری. پدی مانا چه په افغانستان کی امریکا یی امپریالیستی ښکیلاکګر زبرځواک په هیوادکی لاس پوڅی رژیم ته هم اړتیا لری ترڅوګویا دا وښیی چه د امریکایی پوځونوشتون په افغانستان کی د ښکیلاک په مانا نده او افغانستان يوخپلواک هیواد دۍ چه ځان ته خپل «دولت» او «پوځی ځواک» لری. دلیل یی دادۍ چه د زاړه ښکیلاک او ښکیلاکګرو ځواکونو له خوادهیوادونود رسمی ښکیلاک کولوعصر پای ته رسیدلی ده نورپه نړي کی هیڅ ځواک او زبرځواک نشی کولای چه رسما یو هیواد پخپل رسمی مستعمری باندی بدل کړی ـ په دقیق ډول سره لکه د غلامۍ چه نور هیڅ ځواک او کس نشی کولای چه رسمآ غلام ونیسی اویا برده داری وکړی حال دا چه تراوسه په نړي کی عملی غلامی شتون لري.
اوسنی افغانستان هغه هیواد دی چه عملا د امریکا یی ځواکونو او دهغوی د متحدینوتر ښکیلاک لاندی دۍ، ولی امپریالیستی ښکیلاکګرنشی کولای چه دا هیواد د خپل رسمی مستعمری په توګه اعلان کړي، بلکه ادعا لری چه افغانستان يوخپلواک هیواد دۍ حتی ادعا لری چه ددي دشته والی د ساتلولپاره د یوخپلواک هیواد په توګه د لته «شتون» لری.
نوځکه هغوی د افغانستان د ښکیلاک په پیل کی لاس پوڅی رژیم بڼه جوړ کړ اوددی رژیم د پوشالی اردو اوپولیسو تشکیلاتوجوړولو،سمبالولو او روزنه باندی یی لاس پوری کړ. داچه پوشالی پولیس او اردو د يونیم لسیزی په تیریدو سره هم په ښه ډول په وسلو سمبال شوي ندی، دا د امریکا یی او انګلیسی ښکیلاکګرو د پام نه کولو نه ناشی نده، بلکه د هغوی دحساب شوی سیاست نه ناشی ده. هغوی پخواپه غیر مستقیم ډول د پاکستان له لاری د طالبانو د تشکیلاتو جوړولو سمبالولو او روزنه کړې وه حتی په پیل کی یی طالبانو ته اجازه ورکړه چی له القاعده سره اړیکی ټینګی او لا پراخی کړي. څه وخت چه دا مرستی رسونی له ټاکلی حد نه واوښتل، طالبان له کنټرول نه ووتل. دا وضع کولای شی چه د لاسپوڅی رژیم د پوشالی پولیسو او اردوپه مورد کی هم وشی. چنانچه په قسمی ډول له څو کلونو راپدی خوا شتون لری او لدیې اړخه کلک ګذارونه یی ښکیلاکګر ځواکونو ته ورکړی دي او دا احتمال سته چه ژوراوپراخ شی او پراخ محلی او سیمییز خصلت پیدا کړی اوجتی سرتاسری شی. نوځکه دپو شالی پولیسو او اردو په سازماندهی، سمبالولو، روزنی کی له اجتیاط نه کار اخلی او هسی نه چه له کنټرول نه ووزی. دا پولیس او اردو باید د تجهیزاتی، مالی، روزنیز، استخباراتی او نورله لحاظه په امپریالیستی ښکیلاکګروباند ی تکیه ولری او دهغو ولاس ته وګوری تر څو ښکیلاکګر ځواک، او په ځانګړی توګه د امریکایی ښکیلاکګر ځواکونو ته د اړتیا نلرو احساس پیدا نکړي.
د هیواد « د امنیتی مسولیت تسلیمول » د پوشالی رژیم پولیس او اردو ته، چه څوکاله مخکی غولونکی ډرامې د امپریالیستی ښکیلاکګرو لخوا د صحنی مخی ته راوړل سو، پدی مانا وه چه صرفا په هیواد کی د امپریالیستی جګړي د«افغانستانی جوړول» رنګ او لعاب تییره وښیی، نه داچه امپریالیست ښکیلاکګر ټول افغانستان نه پښی سپکی کړی او هیواد ښکیلاک ته د پای ټکۍ کیږدی. اوس محال چه د امریکایی امپریالیستی ښکیلاکګر او غیر امریکایی محدود ځواکونو ډیروالی، د امریکا یی هوایی ځواکونود عملایاتودوه برابره زیاتوالی په افغانستان کی او د پوشالی پولیسو او اردو لازیات سمبالول په نظر کی دی، داسی نه ښکاری چه په هیواد کی د امپریالیستی جګړي« افغانستانی کول» په رسمی ډول لمنځه لاړسی، اما رنګ او لعاب به یی پیکه کیږی ا وبالمقابل د هیواد د ښکیلاک لاندی رنګ او لعاب ټینګ سی او په څرګند ډول به په سترګو ولیدل سی په داسی حال کی ولوکه په ظاهره کی « د جنګ پرمخ وړل د افغان ځواکونو تر مشری لاندی»همداسی وساتل شی ـد جګړي حقیقی رهبری لمخکی به په څرګند ډول د ښکیلاکګر امپریالیستی ځواکونوپه لاس کی وي.
په هر حال دامپریالیستی ښکیلاکګو له خوا د پوشالی پولیسو او اردولا ډیر سمبالولو او روزلو کی به یو فوق العاده حالت منځ ته را نشی او دا ځواکونه به کاملا په روزل سوی او مسلح شوی ځواکونو چه په عصری روزنو او سلاح باندی سمبا ل وی بدل نسی. پدی چوکاټ کی د پوشالی اردو هوایی ځواک ته یو شمیر امریکایی مستعمل الوتکی چه د دویمی نړیوال جګړي نه پاتی سوی ورکړه شی او دهغی د استفادی لپاره به روزنه ووینی.
له اوسه مشخص سوی چه د ملیشه جوړونی نوي ډولونه، لکه محلی پوځ، هم په نظر کی دی. یود محلی اردود قطعاتو دجوړښت د نښوڅخه به غالبا پخوانی نظامی پرسونل ډیری یی جهادیان او یا د پخوانی رژیم د اردو غړیي وي، همدا دۍ چه لدې سره تسلیحات او تجهیزات که څه هم مستعمل او د ناټو اړوند نظامی روزنی په افغانستان کی لا پراخ سی اود روسی تسلیحاتو او تجهیزاتو او نظامی روزنی سیسټم به په هیواد کی لا ډیر حا شیه ته کړل سی.ولی د ملیشه جوړونی دلا ډیر ډولونو پراخیدل، چه د امریکایی پوځی روزونکوسره به مستقیم اړیکه ولری، د رژیم د نظامی ځواک د لاډیر تیت او پرک کیدو او ګډوډی باعث وګرځی اوددي ځواکونو فرمان دهی د لا ډیرعدم تمرکزولوری ته بوځی.په حقیقت کی داسی وضعیت دپوشالی رژیم د نظامی ټینګوالی لا مل نشی کیدای.
سره لدې چه د رژیم د سلو پوځیانو لګښت د یوه امریکایی ښکیلاکګر عسکردلګښت سره برابر دی، د« په افغانستان کی د امریکا نوی استراتیژی» په چوکاټ کی د لاس پوڅی نظامی ځواکونو زیاتوالی په نظر کی ندی نیول سوی داسی ښکاری چه ددی ځواکونواوسنی کمیت تر ټولولوړ شمیر دپوشالی نظامیانولپاره په نظر کی نیول سوی دی.
دټولوتیرویادشوو مسایلو څخه دلاسپوڅی رژیم د اردو او پولیسو خپل ذاتی کمزورتیا دښکیلاکګرو امپریالیستانو په لاس جوړشوی پوشالی اردو او پولیسو په توګه، دجګړییز کمزوری مورال او دجګړی کولودکلکی انګیزی نشتوالی دامپریالیستی ښکیلاکګرامپریالیستانو په رکاب کی دنړی موجودو رژیمونو تر ټولو فاسد رژیم دی. یو نه رغیدونکی ستونځه ده په هیڅ یو امپریالیستی او ارتجاعی چالونو سره درغیدو وړ ندی ددی نظامی ځواک میکانیکی سمبالول او روزل دجنګی مورال دکمزورتیا او دجګړی کولو انګیزی نه شتون سره اخته دی، په هره کچه چی وی، ددی ځواکونو ذاتی ستونزه به له منځه لاړ نشی.
د «ملت جوړونی» په چارو کی «مداخله نکول» او د« ترهګرو» په لا ډیر وژولو تمرکز
د ښکیلاکګرو امپریالیستانو د « ولس جوړونی» ادعا یوه بی بنسټه ادعا ده چه د نړۍ د خلګو ټول تاریخ ددي ادعا ناسموالی ثابته کړي ده. ولس د یو هیواد ښکیلاک د بهرنیو یرغلګرو د پوځی ځواکونو لخوا او د هغه هیواد د سیاسی خپلواکی د سلبولو له لاری نه جوړیږی بلکه په کامل ډول سره د هغه برعکس، چه هغه د اصلی مولفو څخه یو یی دبهرني ارتجاعی امپریالیستی ځواکونو په ضد د مبارزی اومقاومت پیل، دا د هیواد د خپلواکی سلب کونکی او زمونږ د خلکو د ملی هویت د لمنځه وړنکو په وړاندی ودریدل او په بری سره مبارزه او مقاومت په مخ وړل د هغو ځواکونو شړل د هیواد څخه او سیاسی خپلواکی د لاسته راوړل او دهیواد د خلکو ملی هویت بیا ژوندی کولو پوری ـ
بله اصلی مولفه « ولس جوړونه» بریالی مبارزه ددغو جوړښتونو، مناسباتو او ماقبل سرمایه داری ارتجاعی او ملی ضد ځواکونو په وړاندی او ددي جوړښتونو، مناسباتو او ځواکونو راپرځول دی نه دا چی ددی جوړښتنو، مناسباتو او د کمپرادوری بورژوازی او فیوډالی ارتجاعی حاکمیت ساتل او بقا، هغه هم پر اشغا لګرو باندی ولاړ جوړښتونو او مناسباتو په شکل سره د کمپرادوری بورژوازی او ارتجاعی فیوډالی مزدور رژیم حاکمیت ساتل، د امپریالیستی ښکیلاکرو لاسپوڅی رژیم د ولس جوړونی پروسه په افغانستان کی – نا چار باید د بریالی مبارزی او مقاومت د لاسپوڅی رژیم او د هغه راپرځولو پروسه ، د بریالی مبارزی او مقاومت د پروسی تر څنګ د لاسپوڅی رژیم په وړاندی او ددی رژیم پرځول، د امپریالیستی ښکیلاکګرو په وړاندی د بریالی مبارزو او مقاومت تر څنک باید وی. د تیر یوه لسیزي په موده کی ، امپریالیستی ښکیلاکګر او لاس پوڅی رژیم د ملت جوړونی تر نامه لاندی په افغانستان کی څه مشغوتیا لرله؟ دوی ددی مودی په اوږدو کی د امپریالیستی ښکیلاکګرو ځواکونو او پوشالی ځواکونو له یوی خوا ملی ځپنه مخ ته بیولی او له بله اړخه پدی لټه کی دې چه د افغانستان د ولسونو تر منځ ملی انقیاد طلبی ته لمن ووهی او په دغه چوکاټ کی لاسپوڅی رژیم د جوړښت د پاره ددوی د ادعا له مخی « د دولت جوړونی» پروسه مخته بوزی.
دا ښکاره ده چه «ملت جوړونی » په چارو کی مداخله نکول هدف په هیڅ وجه په پورتنی چاروکی د نه مداخلی په مانا نده او په واقیعت کی هم نشی کولای همداسی وي. د افغانستان د خلګو ملی ځپنه او ددوی تر منځ ملی انقیاد طلبی خپرول د امپریالیستی اشغالکرو ځواکونو او لاسپوڅی رژیم لخوا نځنډیدونکی چاری دی او هم نسی کولای چه شتون ونلری و لاسپوڅی رژیم ته بڼه ورکول یا د امپریالیستی اشغالکرو د « دولت جوړونی» د پروسی ادعا په افغانستان کی هم نه ځنډیدونکی دی. د بیلګی په ډول د پوشالی رژیم د پولیسو او اردو سمبالول او ښونه د « د امریکا نوی استراتیژی په افغانستان کی» د یوی مهمی برخی په عنوان د ملی ځپنی نه ځنډیدونکی او د هغه سره یوځای په افغانستان کی د ملی اتقیاد خپرول د امپریالیستی ښکیلاکګرو لخوا ښیی.
په واقعیت کی کم شی چه د « ملت جوړونی» په چارو کی د نه مداخله تر نامه لاندي د «امریکی نوی استراتژی په افغانستان کی» په چوکاټ کی مطرح سوی ده، د همدغی ملی ځپنی او ملی انقیاد خپوروالی یوه برخه ده. معلومداره یو ددی « نه مداخله »تبارزات چه د ډیری مودي راهیسی په ښکاره ډول ځان څرکندوی، ملیتی شوونیزم هم زمانه تشدید د اشرف غنی د ډلو ټپلو لخوا د ارک په چورلیڅ کی په شمول د « د جمهوری ریاست چارو سمبالو لوی ریاست» او د پوشالی رژیم د ملی امنیت شورا، او د نورو بانډونو ارتجاعی ملیتی ناسونالیزم چه په رژیم کی شامل دی. دغه وضع د امریکایی امپریالیستانو او د نوروښکیلاکګروامپریالیستانو اګاهانه سیاستونونتیجه په افغانستان کی ده. هغه سیاست چی « د افغانستان په چارو کی نه مداخله کول» تر پوښښ لاندی پرمخ بیول کیږی. دا سیاست کاملا نوی ندی او پر افغانستان باندی د یر غل د لمړی ورځو څخه او دهیواد اشغال د امپریالیستی ځواکونه لخوا پیل سوی دی او تر هغه د مخه هم په یوه مانا سره شتون درلود. د افغانستان د مختلفو ملیتونو تر منځ ملیتی تضادونو تشدید امپریالیستی اشغالګرو او د لاسپوڅی رژیم لخوا د ذکر سوی سیاست تشدید منطقی نتیجه ده تر څو پدی وسیلی سره د هیواد د ښکیلاک او لاسپوڅی پوشالی رژیم حاکمیت په شرایطوکی د ساسری ملی مقاومت شکلګیری نا ممکن کړي او یا لا اقل هغه و ځنډوی داد«مداخله نه کول» یو بل ښکاره تبارزاتو څخه دۍ چه همدارنکه له ډیری مودي نه په روښانه ډول سره ځان را څرګندوی. دحاکم رژیم د ارتجاعی ډموکراټیک ضد ګرایشاتو تشدید، ځپونکی، استبدادی او په اصطلاح اسلامی بانډونو څخه دي.
هغه امپریالیستی سیاست چه ددی ګرایشاتو لامل ګرځیدلی دی، د «فرهنګی نسبیت » د منلو تر عنوان لاندی پر مخ وړل کیږی، دا سیاست هم بیخي نوی ندی. پرافغانستان باندی د یرغل د لمړی ورځ څخه او ددي هیواد ښکیلاک د امپریالیستی ځواکونو له خوا پیل سو، او په یوه مانا سره تردی د مخه هم شتون درلود. د اوسنی ارتجاعی ډموکراټیک ضد ګرایشات، ځپونکی او استبدادی حاکم رژیم د بانډونو منطقی نتیجه د ارتجاع روزنی، استبداد روزنی او بنیاد ګرایی روزنی سیاست د امپریالیتسی ښکیلاکګرو او لاسپوڅی رژیم لخوا دی تر څو لدې لاری اړمرتجعین لکه ګلبدین او د سپکاوی وړ ارتجاعی ځواکونه لکه د ګلبدین اسلامی ګوند وخپل لورته راوکاږي.
« دا مداخله نه کول» په ښکاره ډول د په اصطلاح چپی تسلیم طلبانو لکه د رهایی سازمان او د ساما( مرکز) برخه چی په اصطلاح دنړیوال ډموکراتیک نورمونو د تطبیق په تمه د امپریالیستی ښکیلاکګرو لخوا په افغانستان کی دی، په تاوان تمامیږی او تر اوسه هم تمام سوی دی. د «د ترهکرو په وژلو لا ډیر تمرکز» هغه وینا ده چه باید د جګړي د تشتدید او د « مخالفو وسلوالو ځواکونو» ٫ د امپریالیستی ښکیلاکګرو او لاس پوڅی رژیم دجنګی تلفاتودډیروالی په مانا وی- او په عین حال کی د پوشالی رژیم د مسلح ځواکونو جنګی تلفاتو زیاتوالی او په افغانستان کی د ملکی کسانو د وژلو د ډیروالی په مانا ترجمه او تفسیر شی. په دغه چوکاټ کی لکه څنګه چه مخکی وویل سو د امریکایی امپریالیستی اشغالګر هوایی ځوا کونو جنګی عملایات په افغانستان کی دوه چنده منظور سوی دی. سربیره پردی د شپی د عملایاتو د زیاتوالی احتمال او پرکلو او د خلګو په کورونو باندی چه د دریم شاه شجاع د پوشالی حکومت په ورستی وختونو کی، حتا د پوشالی رژیم جمهور ریس د سخت مخالفت سره مخ وه او « ټاکلی وژنی » نور ډولونه به شتون ولری. او همدا رنکه « د وسلوالو مخالیفین» د ځواکونو د پراخ راغونډیدو په صورت کی پراخ هوایی عملایاتونه او یا په لږ وخت کی هوایی او ځمکنی پراخ ګډ عملایاتونه د امپریالیستی ښکیلاکګروځواکونو او پوشالی ځواکونو تر لاس لاندی ونیول سی.
د پوشالی رژیم د مسلح ځواکونو د تلفانو زیاتوالی نه یوازی «د وسلوال مخالفین» ځواکونو لخوا بلکه حتا د امپریالیستی اشغالګرو ځواکونو د الوتکو بمباری وړاندوینه کیدای سی. دامپریالیستی ښکیلاکګرو هوایی عملایاتو دوه برابره زیاتوالی په لمړنی ورځو کی د رژیم د پولیسو یوه ډله د هلمند ولایت د ګرشک ولسوالی کی قتل عام سو، او داسی ټولوژنی به په راتلونکی هم تکرار سی.
د هیواد د ملکی وګړو وژل وژنی زیاتوالی وړاند وینه هم کیدای سی. څو مو ده مخکی په« شمالی» کی د واده د مراسمو بمباری عملا دا وښودله چه دا زیاتوالی د« د افغانستان لپاره د امریکا نوی استراتیژی» تر سره کیدو په جریان کی یعنی په افغانستان کی د امپریالیستی سختی جګړی په بهیر کی ډډه کید ونکي نه وه او د هغو غولونکی بښنه غوښتنه نسی کولای د هغو پیښو جنایت چه منځ ته راغلي او یا به په راتلونکی دا پیښی منځ ته راشی پټ کړي.
د طالبانو بیا قدرت ته د رسیدو مخنیوی او هغوی ته قانونی موقعیت ورکول
په افغانستان کی د امپریالیستی ښکیلاکګرو او لاسپوڅی رژیم پوری تړلی رسنی په هیواد کی د « شلو نړیوالو ترهګرو ډلو » د شتون په هکله خبری کوی، ولی په کلیت کی داسی ښکاری چه « د افغانستان لپاره د امریکی نوی استراتیژی» د سیاسی لحاظه د طالبانو په وړاندی توجیه شو ي ده. ددی استراتژی سیاسی هدف د طالبانو بیا قدرت ته د رسیدو مخنیوی او هغو ته قانونی موقعیت ورکولو په لټه کی- څرګندونی سوی دي. د امریکایی امپریالیستی ښکیلاکګرو لخوا د ددی سیاسی هدف اعلانول منطقی اړخونه لری چه لازمه ده د هغو په ډیر مهم اړخونو باندی لږ مکس وکړو :
1- امریکایی امپریالیستی ښکیلاکګر او د هغوی امپریالیستی ښکیلاکګر متحدین او د هغو لاس پوڅی رژیم سره يوځای تل دا هڅه کړې ده او کوښښ کوی جه ځانونه د افغانستان د خلګو ژغورونکی د ارتجاع ظلم او استبداد، ښځو په وړاندی ضدیت، ملیتی شونیزم، ځپونکی، د طالبانو او القاعدی فوق العاده زیږ قوانین او د طالبانو د بهرنۍ اسلامیست ډلی متحدین په مقابل کی وښیی اوپدی ډول سره خپل ښکیلاکګری او هیواد پلورل د منولو وړ و ښیی. په خواشنی سره باید وویل سی چی دا سیاست پداسی شرایطو کی چه ملی، ډموکراټیک او انقلابی ځواکونه ډیر کمزوری دي، دملی اولسی او انقلابی مقاومت جګړي نشتون د امپریالیستی ښکیلاکګر او لاسپوڅی رژیم پر ضد د مقاومت د جګړی په ډګر کی، د جګړی د ډګر انحصارول د طالبانی ارتجاعی مقاومت جګړی لخوا، د جګړی په ډګر کی، تر ټاکنی حد پوری، او حتا ویلی سو چی تر ډیره بر یده، اغیزناکه وه ددی عکس هم رښتنی دی. یعنی ذکر سوی سیاست د طالبانو په ګټه تمام سو او دهیواد په بیلو بیلو سیمو کی د طالبانو د پیاوړی توب او ددوی د نفوذ د خپرولو لامل وګرځیده.
د سیاسی هدف اعلان د طالبانو د بیا قدرت ته د رسیدو مخنیوی او هغوی ته د قانونی موفعیت په لټه کی د« افغانستان لپاره د امریکا نوی استراتیژی» په چوکاټ کی د امریکایی امپریالیستی ښکیلاکګرو لخوا چه په واقعیت کی له یوه پلوه د «افغانستان د ستونزی» خلاصه کول « طالبانو ستونزی» پوری، او چه ګواکی که چیری دا «ستونزه» حل سی د دوی په نظر افغانستان به ګل او ګلذار شی. او دا واقعیت نلری:
لمړی داچی : که وغواړو « دافغانستان ستونزه» د هغه په عمده موضوع باندی خلاصه کړو باید ووایو چی « د افغانستان ستونزه» د امپریالیستی ښکیلاکګرو او بهرنی ارتجاعی ځواکونو او د پوشالی لاس پوڅی رژیم حضور په هیواد کی دی.
دویم دا چه: د امپریالیستی اشغالګرو او د لاسپوڅی رژیم په وړاندی د مقاومت جګړه یوازی د طالبانو په جګړه، یا په ښه بیان سره د دوی اصلی رهبری په برخی پوری تړاو دښکیلاکګرو او رژیم په وړانړندی نه خلاصه کیږی.
د امپریالیستی ښکیلاکګرو او پوشالی رژیم په وینا « په افغانستان کی شل ډلي» نړیوال « ترهګر» فعاله دی او دا هیواد « «غالبزو ځالګی» ته پاتی کیږی. ښکاره ده چه ټوله دغه ډلی د طالبانو تر رهبری لاندی او یا د هغوی تر بیرغ لاندی حرکت نکوی او یو شمیر یی یا د طالبانو څخه مستقل فعلیت لری په ناشونی فرض سره که چیری د طالبانو اصلی رهبری پوری تړلی اړخ یا تر یوه بریده په ډیر مشکل ښکیلاکګرو او پوشالی رژیم ته تسلیم هم سی، پاتی ځواکونه به جګړ ي ته ادامه ورکړی او د تسلیم سوی رهبرانو څخه د ناراضی کسانو جلب او جذب له لاری به پیاوړی سی.
دریم داچه: طالبان خپل ځواکونه پردری برخی ویشی :
لمری برخه «پان اسلامست جهادیان»
دویمه برخه « ناسونالیست مجاهدین»
دریمه برخه «اجیر ځواکونه»
لمړی برخه بین الملی او نړیول اجنډا لری او د دوی هدف یوازی په افغانستان کی نه خلاصه کیږی.
دویمه برخه د دوی له نظره ملی اووطنی اجنډا لړی نه بین الملی او نړیول، په مجموع کی د دوی اصلی غوښتنه د امریکایی امپریالیستانو تر مشری لاندی د ناټو ښکیلاکګرو ځواکونو وتل له افغانستان څخه او حد اکثر غوښتنه یی د اسلامی امارت جوړونه په افغانستان کی ده.
دریمه برخه هغه اجیر ځواکونه دي چه د مشخصو نظامی فعلیتونو لپاره اجیران کیږی او د پیسو په بدل کی ټاکلی نظامی فعا لیتونه تر سره کوی.
په واضح ډول ښکاری چه د طالبانو د مشرتابه ځواکونو ډیری صلاحیتونه په اولي ډلی پوری اړه لری یا بهرنی او کورنی جهادیان دي، مګر د دوی ځواکونه په مجموع او په عمده ډول سره د ناسونالیستانو او دهمدی ډلی څخه جوړه ده. حال دا چه دریمه ډله نه د رهبری د صلاحتیونو څخه برخمن دی او نه هم اساسی رول لری بلکه یوه فرعی ډله شمیرل کیږی.
په هغه صورت کی چه طالبان د تسلمیدو او تسلیم طلبی په بهیر کی د امپریالیستی ښکیلاکګرو او لاسپوڅي رژيم په وړاندي یعنی د لاسپوڅی رژیم په چوکاټ کی د قانونی موقعیت د موندلو په فکر کي ولویږ ی ـ هغه ته ورسیږی هغه موقعیت ته لکه اوسنۍ د ګلبد ین اسلامی ګوند د رهبرۍ موقعیت ته ورسیږي هسی چه اوس د ګلبد ین اسلامی ګوند د مړني په حال کی پروت دې طالبان به هم دغه مسیر ته ولویږي ، په لمړي ګام کی به دوې خپله جهادی ډ له په غوڅ ډول له لاسه ورکړي – دوې ٫ په ځانګړی توګه د دوی بهرنیان، یا به د داعش شته ارتجاعی اشغالګری ډلی سره چه د هیواد په بیلو بیلو سیمو کی دي یو ځای شی، یا له افغانستان څخه ووځی او یا به د خپل جهاد پرمخ بیولو لپاره په افغانستان کی نوی ډله یا ډلی منځ ته راوړي. په دویم ګام کی به خپل ناسونالیستان له لاسه ورکړی. دوی به یا په افغانستان کی د خپل « جهاد» د پرمخبیول لپاره نوی ډله جوړوی، او یا به د هغه ډلو سره چه تازه د طالبانو د اصلی رهبری څخه جلا سوی یو ځای شی. اویا دوی په خپله په مستقل ډول د اشغالګرو او رژیم سره راکړه ورکړه تر سره کړی.
په دریم ګام کی د دوی اجیرځواکونه به دا غوره وګڼی چه د امپریالیستی اشغالګرو او پوشالی رژیم سره په مستقل ډول راګړه ورکړه تر سره کړی او خپله برخه پیسی به پخپله تر لاسه کړی پدی ډول سره به امپریالیستی ښکیلاکګرواو پوشالی رژیم ته تسلیم سوی طالبان په لاسپوڅی رژیم کی په قانونی موقعیت لرلو سره د ملایانو او مولویانو په وړوکی ډ له بدله شی چه د رژیم په ټاکنو کی د بری هیڅ چانس ونلری پدی صورت کی د طالبانو امیرالمومنین به تر ډیره وتوانیږی چه په افغانستان کی د «مولوی ډیزل» لقب ځانته ځانګړی کړی.(1) څلورم داچه : د امپریالیستی ښکیلاکګرو او لاسپوڅی رژیم په وړاندي د مقاومت جګړی اصلی او عینی محرک، د هیواد تر ښکیلاک لاندی او لاسپوڅی پوشالی رژیم تر حاکمیت لاندی حالت دی. ځکه چه د غه وضعیت د خلګو د خپلواکی غوښتلو احساسات د امپریالیستی اشغالګرو او لاسپوڅی رژیم په وړاندی راپاروی او دوی د جګړی ډګر ته راکاږی البته د طالبانو رهبری د مخکنی جنګی چمتووالی په درلودلو سره وتوانیدل چه په کلی ډول سره دغه احساسات د ځان خواته وکاږی، چمتو او سمبال یی ګړی او خپل شعارونه پردی احساساتو او جنګی چمتووالی باندی وتپی اما د ملاعمر د مړینی وروسته، یوواحده رهبری او تشکیلات نلری او څو پارچی سوی دی. دغه وضع په دی مانا چه خپل انحصاری حضور د جګړی په ډګر کی او خپل انحصاری موقعیت دجګړی په رهبری کی له لاسه ورکړی ځکه نو حتی په اوسنی وضعیت کی ملی انقلابی او ډیموکراټیک په ځانګړی توګه نوی ملی ډیموکراټیک او مائویستانو ځواکونه دخپل چمتووالی په صورت کی په عینی لحاظ سره د څومخکنی کلونو په پرتله د جګړی ډګر ته د دانګلو په ښه موقعیت کی دی.
-
څو کاله وړاندی هغه وخت چی د پیپل ګوند په پاکستان کی د اقتدار په ګدی ناست وه او بینظیر بوټو د پاکستان صدر اعظمه وه، مولوی فضل الرحمان د پاکستان پیپل ګوند او بینظیری سره ډیری ښی اړیکی جوړکړی وی او د حاکم ګوند او حاکم دولت څخه مرسته ترلاسه کوله یو د دغو مرستو څخه چه ګویا د توجه وړ هم وه د څو ټانکرو ډیزلو لاسته راوړل د مولوی فضل الرحمان په واسطه وه او پس له هغه څخه په مولوی ډیزل باندی مشهور سو او تر اوسه پوری په دی نامه یاديږی.